Është arrestuar në flagrancë një shtetas 46 vjeçar nga qyteti i Pogradecit pasi duke dtejtuar mjetin e tij ka përplasur një automjet tjetër, ku drejtuesi i tij ka mbetur i vdekur.
Drejtoria Vendore e Policisë Korçë bën njoftimin se janë dhe 2 shtetas të tjerë të plagosur por pa rrezik për jetën e tyre.
Njoftimi i policisë;
Sektori i Policisë Rrugore:
-Në vijim të informacionit paraprak të dhënë ditën e djeshme, për një aksident rrugor, ju informojmë se u arrestua në flagrancë shtetasi D. H., 46 vjeç, banues në Pogradec.
Ky shtetas, në aksin rrugor “Qafë Thanë-Pogradec”, pranë fshatit Memëlisht, duke drejtuar automjetin tip “Benz” është përplasur me automjetin tip “Citroen”, me drejtues shtetasin Y. M., 58 vjeç, banues në Korçë.
Për pasojë ka humbur jetën pasagjeri i automjetit tip “Citroen”, shtetasi F. Z., 80 vjeç, banues në Çetë, Devoll, si dhe janë dëmtuar drejtuesi i këtij automjeti, shtetasi Y. M., dhe shtetasi A. Z., 55 vjeç, banues në Korçë, të cilët janë jashtë rrezikut për jetën.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë.
