Aleko Skali (1922 – 1980)
Njëri nga veteranët e aktrimit shqiptar.
Aktor i teatrit “A. Z. Cajupi” – Korçë dhe regjisor i trupës së Estradës së këtij qyteti.
Lindi në Korçë më 6 dhjetor 1922. Mbaroi liceun e Korçës duke u dëshmuar si një intelektual i njohur. Qysh në fillim të viteve ’30 u aktivizua me grupin teatral “Rinia” Korçare duke rënë në sy si një aktor i talentuar dhe me të ardhme. Pas çlirimit të vendit punoi si gazetar në Radio Korça duke mbuluar jetën kulturore,artistike të qytetit dhe m) gjerë. Në vitin 1950 është ndër themeluesit e teatrit “A, Z Cajupi” duke u përfshirë në premierën e parë të tij, në dramën “Përmbysja” të Lavrenjevit.
Ishte nga aktorët e suksesshëm të kësaj trupe në vitet e konsolidimit dhe ecurisë drejt rritjes së cilësisë artistike, madje regjisori Sokrat Mio e aktivizoi në mjaft raste si asistent regjisor, punë që e bëri deri në vitin 1960 kur emërohet edhe regjisor i trupës së Estradës Profesioniste, menjëherë pas formimit të saj. Këtë detyrë e kreu deri në vitin 1968 duke realizuar rreth 30 premiera, si dhe operetën “Së bashku jeta është këngë”.
Aleko Skali ishte edhe shkrimtar i skenës me një sërë krijimesh në lëmin e humorit. Shkroi bukur pjesë dramatike, tekste këngësh, etj.
Si artist veteran dhe me ndihmesë të pamohueshme në rrugën e ngjitjes së Teatrit dhe Estradës së Korçës, u karakterizua gjithashtu nga dashuria, puna dhe pasioni për artin. Ka marrë pjesë edhe me dy-tre role episodike në kinematografi, në filmat “Skënderbeu”, “Zonja nga qyteti” dhe në “Përballimi”.
Ndërroi jetë në vitin 1980.
