Ambasadori i Shqipërisë në Kosovë është nderuar nga Bashkia Pogradec me titullin e nderit “Mirënjohja e qytetit”.
Ceremonia e dhënies së titullit është mbajtur të enjten në prani të qytetarëve dhe intelektualëve pogradecarë si edhe me praninë e Ambasadorit të Kosovës në Shqipëri Z. Skënder Durmishi, Prefektit Nertil Jole dhe Kryetares së Këshillit të Qarkut Korçë znj. Ana Verushi.
Faleminderit Z. Ambasador Qemal Minxhozi
Momente nga ceremonia e dhënies së titullit të nderit “Mirënjohja e qytetit” nga Bashkia e Pogradecit për z.Qemal Minxhozi, Ambasador i Shqipërisë në Republikën e Kosovës prej 9 vitesh.
Motivi për këtë titull mirënjohje lidhet me punën që zoti Minxhozi ka bërë për promovimin e Pogradecit në Kosovë, “Për kontributin dhe mbështetjen e turizmit dhe për zhvillimin e tij mes komunave të Kosovës dhe bashkisë së Pogradecit”, duke dhenë në këtë mënyrë edhe një kontribut të spikatur për forcimin e vëllazërisë mes dy shteteve.
Z. Qemal Minxhozi është një diplomat, i cili ka luajtur një rol mjaft të rëndësishëm për zgjerimin e bashkëpunimit mes organizmave shtetërorë, shoqërisë civile e sipërmarrjeve të Shqipërisë dhe Kosovës. Pogradeci dhe qytetarët e tij Ju janë mirënjohës për gjithçka keni bërë për këtë qytet.
Foto galeri
