Ardian Fezollari në një status të tij në rrjetin Facebook ka shprehur një falenderim për Kolonjën, atje ku shërbeu 2 vite si polici i parë i rrethit. Duket se krahas punës me pasion në polici, Ardi ishte lidhur fort me zonën të cilën e fotografonte çdo ditë dhe çdo stinë. Më shumë sesa largimi si drejtues i policisë Ardit i ka ardhur keq për përditshmërinë dhe fotot që ai shkrepete çdo ditë.
Ja postimi:
“Faleminderit Kolonja,ishin dy vjet te shkëlqyer për mua. Pata fatin te punoj ne nje komunitet me vlera te padiskutueshme kombetare,njerëzore,nje komunitet model ne sjellje dhe zgjidhjen e problemeve.
Edhe njehere faleminderit” shkruan Fezollari.
Ardiani ka një kontribut prej 28 vitesh në policinë e shtetit, Fezollari njihet edhe për pasionin e fotografisë, duke fituar 2 çmime akorduar nga AKT, si edhe Ambasador i Turizmit Shqiptar, po ashtu autor i 4 albumeve.
Vendin e Fezollarit e zuri Altin Gusho, i transferuar nga komisariati i Pogradecit ku mbante detyrën e shefit të rendit. Më herët ai ka qenë drejtor i burgut të Drenovës.
