Gazetari Artan Hoxha ka hapur arkivat dhe ka publikuar një artikull të 20 marsit 1995, ku gazeta greke raportonte për sulmin e dështuar të komandos terroriste me emrin “Pirro 1”.
Duke iu referuar artikullit, Hoxha thotë se pjesëtar i komandos terroriste ishte edhe Fredi Beleri, kryebashkiaku i zgjedhur i Himarës. Ai deklaron se Beleri, bashkë me disa pjesëtarë të tjerë të komandos ishin të armatosur deri në dhëmbë kur u kapën nga policia.
Postimi i plotë:
E ruaj ende në arkivë gazetën greke “Ta Nea” të datës 20 mars 1995, një ditë pas sulmit të dështuar të komandos terroriste me emrin “Pirro 1”, pjesë të ashtuquajturit MAVI (Fronti për Çlirimin e Vorio Epirit).
Me titullin: “U kapën 7 provakotorë të kufirit”
Gazeta më e madhe greke në atë kohe, pasqyronte që në faqen e parë, skemën sesi një komando terroriste synoi të asgjesonte repartin kufitar të ushtrisë shqiptare, në fshatin Llongo të Gjirokastrës.
E njëjta skuadër synoi të përsëriste atë që bëri më 10 prill 1994, kur gjatë sulmit në Repartin ushtarak të fshatit Peshkepi, vrau dy Deshmorët e Atdheut, Fatmir Shehu dhe Arsen Gjini, si dhe plagosi 3 ushtarë të tjerë.
Për herë të parë emrin e Fredi Bejlerit e kam lexuar në këtë gazetë greke, ku paraqitej si një nga pjestarët e komandos së armatosur deri në dhëmbë, të cilët ishin arrestuar nga policia greke ndërsa po lëviznin me dy mjete në afërsi të kufirit të Republikës së Shqipërisë….
Për të gjithë ata që kanë dyshime, se e kemi inat Bejlerin nga Progonati pse ndihet grek dhe i kemi rënë për 30 vite më qafë kot, ja ku ështeëë prova…
Emrin e Fredit që nuk ishte bere akoma Dhionisios, të përfshirë në Masakrën e Peshkëpisë, e publikuan grekët, jo Artan Hoxha…
Dhe për këtë patjetër u detyrohemi grekëve, sepse nese nuk do ta kishin publikuar ata komandon shoviniste të MAVI, këta koloqithjet tanë, këtej kufirit (që nga Berisha, presidenti në detyrë në atë kohë) mund ta kishin bërë jo vetëm kryetar bashkie të Himares, por edhe president të Republikës…
Jasu palikari…
