Autonomia menaxheriale, kjo ka qënë kryefjala sot në Fier në prezantimin e kryeministrit Rama i cili i ka dorëzuar të drejtat e vendimmarrjes drejtorit të Spitalit Rajonal të Korçës, Litian Broka.
Por çfarë do të thotë kjo dhe çfarë përfiton spitali i Korçës?
Autonomia menaxheriale – Spitalet do të kenë më shumë liri për të vendosur mbi administrimin e burimeve njerëzore, organizimin e shërbimeve dhe përmirësimin e cilësisë së kujdesit shëndetësor, pa qenë të varura plotësisht nga vendimmarrja qendrore.
Autonomia financiare – Kjo i jep një spitali (në këtë rast Spitalit Memorial) më shumë kontroll mbi buxhetin dhe të ardhurat e tij, duke mundësuar menaxhim më efikas të fondeve dhe investimeve për pajisje, staf dhe infrastrukturë.
Qëllimi: Krijimi i 17 qendrave të ekselencës deri në 2027, që nënkupton spitale me standarde më të larta shërbimi, staf më të kualifikuar dhe administrim më efikas të burimeve.
Ky proces është pjesë e reformës shëndetësore në Shqipëri, e cila synon të rrisë cilësinë dhe efikasitetin e spitaleve publike.
