Parlamenti votoi këtë të enjte heqjen e imunitetit të Berishës duke i hapur rrugën Spak për të vijuar me hetimet e thelluara, masën e sigurisë mbase edhe deri tek arrestimi i tij.
Deri më tani ka disa skenare por ajo që dihet është se Berisha nuk tërhiqet nga drejtimi i asaj që quan Parti Demokratike. Disa thonë se ai po mbron demokracinë e shumë të tjerë po thonë se po përdor si mish për top, partinë, atë parti që lindi nga dëshira për ndryshim dhe sot ka përfunduar si streha e fundit e maskarenjve si në situatën aktuale.
Dy janë skenarët që përfliten;
I pari mund të jetë arrestimi i Berishës dhe më pas gjithë drejtimin e PD do ta bëjë nga qelia, siç ka thënë edhe vetë. A do të ndodhë ky arrestim? Të gjithë janë sy e veshë.
Skenari dytë është që Berisha të ngujohet në selinë e PD. Kjo qëndron edhe më tepër pasi nëse masa ndaj tij shkon në arrest shtëpie, sigurisht që Berisha nuk do futë gazetarët tërë kohës në banesë për deklarata shtypi, e duke pasur nevojën për median do jetë i detyruar të hajë të flejë e të qëndrojë në seli dhe të dalë gjithë kohës në ekran.
Se çfarë do të ndodhë mbetet për tu parë. Por një gjë është e sigurtë Saliu do e përdorë PD në maksimum për të shpëtuar lëkurën dhe qëndrimin në qeli, por se sa do të realizohet kjo e di veç SPAK. Me shumë gjasa Berisha do të ketë fatin e Pinoçetit.
