Berti Kotmilo është prej atyre njerzve apo drejtuesëve që rrallë i vijnë një komuniteti. Korça dhe korçarët kanë pasur fatin të qeverisen lokalisht nga një njeri i tillë, i cili, nëse do pyesësh në rrugët e Korçës ka qenë nga drejtuesit më të ndershëm të bashkisë.
Ka prej atyre që të thonë edhe me nënqeshje që është ish kryetari më i varfër pasi nuk e mendoi asnjë herë që të prekte fondet apo taksat e qytetarëve të tij. Ka prej atyre që thonë edhe se Berti ishte aq i ndershëm saqë edhe bukën e merrte me vete kur shkonte në zyrë, shumë punonjës e shihnin dhe çuditeshin me këtë gjë. “
“Fundja ai brez ishim me atë frymë ishim rritur” mësohet të thotë Berti për këtë gjë.
Fakti që Berti ka qenë i ndershëm e tregon edhe situata e tij sot, jeton me një pension të thjeshtë, në një shtëpi të thjeshtë dhe jo vilë të shtrenjtë dhe lëviz çdo ditë në këmbë, pasi nëse do ishte nga ata që prekin paranë publike e sigurtë që do jetonte në ndonjë vilë private 3-4 kate me oborr dhe gjithçka brenda saj, bashkë edhe me ndonjë makinë të shtrenjtë. Por jo, Berti është po i njëjti si pa u bërë kryetar, si kur ishte kryetar ashtu edhe sot si ish kryetar.
Po sjellim në vëmendje dy raste që tregojnë edhe ndershmërinë e Bertit.
Dy detaje që flasin me shumë se një libër.
(Nga punonjës dëshmitarë okular).
Në kohën që Berti Kotmilo ishte kryebashkiak, në vitet 1996 e këtej, i vjen në zyrë nëna e tij plakë. Pasi folën pak, e ëma do të shkonte në varreza. Berti ia kthen “Ja të thërresim një taksi”.
Nënpunësi që ndodhej në zyrë ia kthen : “Poshtë është shoferi yt Kryetar, Nuk ka pune”.
” Është shofer institucioni, jo shofer familje, ia kthen Berti”
Dhe shembulli i dytë: Kur niseshin për shërbim në Tiranë, në atë kohë rrugët ishin të këqija dhe duhej 4 orë të shkoje dhe po kaq të ktheheshe, udhëtimin e benin vajtje – ardhje. Me një natë qëndrimi, dieta ishte 6 mijë lek. Meqë nuk qëndronin, Berti u jepte gjysmen e dietës. Njëri nga nënpunësit i thotë:
“Po na e shto pak dietën o Kryetar. Mirë që nuk flemë, por të hame si njerëz”.
“Me lekët e tua, mund të hash si të duash dhe çfarë të duash, por jo me lekët e qytetarëve” ja kthen Berti.
Këto dëshmi por edhe shumë të tjera që qarkullojnë në Korçë tregojnë se sa i ndershëm dhe sa i ndjeshëm ka qenë Berti, i cili donte vetëm zhvillimin e Korçës pa menduar aspak për të mirat materiale të familjes apo nënpunësve të tij.
Kolibri.al i uron Berti Kotmilos jetë të gjatë.
