Sara Kordalli, nxënëse e klasës së 9-të në shkollën “Dritëro Agolli” në Bilisht, ka shkruar romanin e saj të parë “Misteret e Lornës”.
Ministrja e Arsimit, Evis Kushi, përmes një postimi në facebook, ka njoftuar mbi rubrikën e re, #njëlibërnganxënësittanë.
“Një libër nga nxënësit tanë” është rubrika ku nxënës nga e gjithë Shqipëria që kanë talent në shkrim prezantojnë botimet e tyre të para.
Sara Kordalli nga qyteti i Bilishtit ka qenë një ndër nxënëset që ka shkruar romanin e saj të parë “Misteret e Lorenës”.
Në këtë roman plot imagjinatë dhe fantazi, protagoniste është Lorna, një adoleshente 15-vjeçare, e cila sapo është njohur me një botë të re për të zbuluar, plot dëshira dhe pasion, që nuk e lënë asnjëherë vajzën të bjerë pre e dëshpërimit, pavarësisht fatkeqësive që i kanë ndodhur në jetë. Pranë vetes ajo ka shokët dhe shoqet, miqtë më të ngushtë që e dëgjojnë dhe komunikojnë me të, duke i dhënë kuptim çdo dite.
Në këtë pjesë të parë të triologjisë që Sara premton, janë të gjithë përbërësit e përkryer të një libri për fëmijë dhe rinj, që do t’i zbuloni vetë në çdo faqe të tij.
Kolibri.al i uron suksese Sarës!
