Tirana ka nisur një revolucion që pas përfundimit të sezonit teksa ka larguar trajnerin dhe pjesën më të madhe të titullarëve.
Mësohet se trajneri i ri i Tiranës do të jetë Bledi Shkëmbi. Burime bëjnë me dije se trajneri korçar ka arritur marrëveshjen me drejtuesit e bardhebluve, për një kontratë 2-vjeçare, me detaje shumë të mira financiare.
Shkëmbi mori pak kohë më parë drejtimin e skuadrës së 17-vjeçarëve të Shqipërisë, por oferta e Tiranës duket se e ka bindur për të lënë të rinjtë kuqezi, që përgatiteshin për kampionatin europian që do të luhet në Shqipëri vitin e ardhshëm dhe 17-vjeçarët e Shqipërisë do luanin në fazën finale.
