Ky vit i ri akademik renditi si ndër më të preferuarit fakultetin e bujqësisën në Universitetin e Korçës. Sipas të dhënave dhe deklaratave të dekanit Gjergji Mero regjistrimet ishin në nivele shumë të mira në të gjitha degët e fakultuetit aq sa do të kishte edhe një kërkesë për shtesë kuotash. Dy janë arsyet që ky fakultet rezultoi i preferuar, e para sepse është në programet prioritare dhe e dyta sepse zhvillimi i bujqësisë në fushën e Korçës po merr përmasa të mira.
Nisur nga kjo institucionet tashmë kanë nisur nga puna që të ndërmarrin hapat e duhura për ta çuar fakultetin në një tjetër nivel. Prandaj në 21 Tetor është caktuar që të zhvillohet një takim në këtë fakultet ku merr pjesë Ministrja Anila Denaj si edhe Ministri Niko Peleshi, pjesëmarrja e të dyve në këtë takim tregon se qeveria e ka seriozisht nismën për ta zhvilluar edhe më shumë bujqësinë në rajonin tonë. Në takim pritet të dëgjohen alternativat e stafit drejtues se si ata duan të zhvillohet ky fakultet në të ardhmen. Kjo pasi tashmë është koha që bujqësia në të gjithë Qarkun e Korçës të ketë specialistët e duhur për ta kthyer këtë sektor në sektorin më të madh që gjeneron të ardhura për familjet.
