10 të arrestuarit nje ditë më parë në kuadër të operacionit “Knock Down” jane dërguar ne dhomat e paraburgimit të burgut të Peqinit.
E gjithë kjo ka ardhur për shkak se dhomat e paraburgimit në burgun e Drenovës janë të mbipopulluara.
Për 10 të ndaluarit e këtij operacioni gjykata e rrethit e gjyqesor Korçë kishte dhënë masën e sigurisë “arrest me burg”, ndërsa gjithë të tjerët ndodhen në dhomat e paraburgimit të komisariatit të Korçës në pritje për t’u njohur me masën e sigurisë nga gjykata e shkallës së parë të Korçës.
Mëngjesin e djeshëm gjatë operaconit “Knock Down” jane arrestuar 26 persona, 15 të tjerë proceduar penalisht në gjendje të lirë ndërkohë që 4 të dyshuar për të njëjte vepër penale janë në kërkim policor.
Nga ana tjetër, 4 persona të arrestuar pak ditë më parë kanë marrë masën e sigurisë dhe ndodhen e burgun e Drenovës.
