Çakullimi i rrugëve të parcelave është duke u kryer në zonën e Zvezdës në bashkinë e Maliqit, me qëllim për të ndihmuar fermerët për të shkuar në tokat e tyre bujqësore.
Sipas burimeve nga Drejtoria e Ujitje Kullimit në këtë bashki aktualisht është duke u punuar në rreth 2 km rrugë parcelash të cilat janë duke u niveluar e çakulluar.
Një punë e tillë do të vijojë të kryhet edhe në rrugë të tjera parcelash në bashkinë e Maliqit pasi në këtë mënyrë fermerët arrijnë më lehtë në tokat e tyre për të kryer shërbimet e nevojshme, apo për të nxjerrë në treg prodhimet bujqësore.
