Një ngjarje e pazakontë është regjistruar në Korçë, ku një grua 29-vjeçare është vënë nën hetim për dhunë psikologjike ndaj bashkëshortit të saj.
Burime nga Policia bëjnë me dije se konflikti mes çiftit është përshkallëzuar, duke çuar në ndërhyrjen e autoriteteve dhe në lëshimin e një urdhri mbrojtjeje për burrin.
Ndaj të resë, e identifikuar me inicialet K. Z., ka nisur procedimi penal, ndërsa rasti është referuar pranë Prokurorisë për veprime të mëtejshme. Ngjarja hedh dritë mbi një dimension tjetër të dhunës në familje, që shpeshherë mbetet në hije.
