Një rast i rëndë dhune në familje është regjistruar në fshatin Vranisht të bashkisë Devoll. Specialistët për Hetimin e Krimeve në Komisariatin e Policisë Devoll kanë arrestuar në flagrancë shtetasin A. L., 55 vjeç, pasi dyshohet se ka ushtruar dhunë fizike ndaj babait të tij.
Policia njofton se menjëherë pas marrjes së informacionit, shërbimet ndërhynë dhe bënë të mundur ndalimin e autorit të dyshuar. Viktima është dërguar për ndihmë mjekësore dhe ndodhet jashtë rrezikut për jetën.
Ndaj 55-vjeçarit tashmë rëndon akuza për “dhunë në familje” dhe materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
