Ditën e djeshme Bardhi është larguar nga shtëpia më e famshme në Shqipëri, Big Brother Vip 3. Arsyeja që Bardhi u largua ishte për shkak të nënës së tij, ajo ndodhej në spital për shkak të disa problemeve shëndetësore ndaj dhe Bardhi u detyrua të largohej nga loja për të qenë pranë saj.
Gjatë prime-it të djeshëm dhe në mediat sociale u aludua se dalja e tij ishte e pavend dhe madje dyshohej nëse vërtet nëna e tij ishte e sëmurë apo jo.
Sot ka reaguar Bardhi duke falenderuar admiruesit e tij dhe në foto ka vendosur një foto spitali ku duket një zonjë e shtrirë në spital me aparatura mjekësore.
Postimi i tij;
Pranë teje në krejt rrethana, ti je arsyeja me krejtë meritat për djalun që unë jom! I lumtur që je më mirë! Falenderues për krejt njerëzit që m’kanë shkru për gjendjen shëndetësore të nënës! Kërkoj falje për krejt ata adhurues që u dëshpëruan nga dalja ime e parakohshme, por në fund të ditës shëndeti i gruas më të rëndësishme në jetën time vendosi ndryshe!
Shihemi shumë shpejt!
