Gjashtë administratorë të njësive administrative në Bashkinë e Maliqit kanë paraqitur dorëheqjen e tyre. Burime pranë bashkisë bëjnë me dije se largimet janë zyrtarizuar në njësitë Libonik, Pirg, Vreshtas, Lozhan, Pojan dhe Moglicë.
Kryetari i bashkisë, Gezim Topçiu, ka konfirmuar lajmin përmes një kontakti telefonik, duke shtuar se i njëjti vendim pritet të pasojë edhe nga nënkryetarët e bashkisë në ditët në vijim.
Këto zhvillime vijnë pas thirrjes së fundit të kryeministrit Edi Rama, i cili u kërkoi të gjithë drejtuesve vendorë dhe drejtuesve të institucioneve publike në shkallë vendi të japin dorëheqjen.
