Korçë: Arrestohen dy drejtues automjetesh pas aksidentit tragjik që i mori jetën një 24-vjeçareje
Policia e Korçës ka arrestuar dy drejtues automjetesh të përfshirë në një aksident tragjik, i cili ndodhi një natë më parë dhe shkaktoi humbjen e jetës së 24-vjeçares Zoi Ksila.
Behet fjale per Trifon Mehmeti dhe Klaudio Kishta.
Sipas burimeve zyrtare, njëri prej automjeteve po udhëtonte nga Bilishti drejt Korçës, ndërsa tjetri nga Korça drejt Kapshticës. Dyshohet se një manovër e gabuar nga një prej drejtuesve ka qenë shkaku kryesor i përplasjes fatale.
Policia ka deklaruar se dinamika e plotë e ngjarjes do të përcaktohet pas përfundimit të ekspertizës, e cila pritet të hedhë dritë mbi përgjegjësitë konkrete të drejtuesve të përfshirë. Ndërkohë, hetimet vijojnë për zbardhjen e rrethanave të këtij aksidenti tragjik.
Duhet thene se aksi nacional Korçe-Kapshtice eshte bere shpesh here burim aksidentesh edhe me vdekje ne veçanti kryqezimet e kesaj rradhe qe edhe per policine rrugore jane ” njolla te zeza”.
