Eduard Kapri ish kryebashkiaku i Pogradecit në vitet 2015-2019 mund të cilësohet si drejtuesi më jetëshkurtër i qytetit, kjo jo për fajin e tij, por për fajin e logos së partisë ku ai aderonte në atë periudhë, që ishte PD.
Në fakt Kapri nuk vinte nga radhët e PD, në bindje dhe karrierë ai ka qenë i majtë pasi për vite me rradhë ishte edhe kryetar i partisë së Skënder Gjinushit.
Edhe në momentin që emri i tij doli si kandidat i propozuar nga radhët e PD, ai nuk u pa e as nuk u votua si njeri me “gjak blu” por u votua për Edin që njihnin të gjithë asokohe, puntor, i qetë, i sjellshëm etj.
Kapri arriti të fitonte përballë kandidaturës së që koalicioni Ps-Lsi kish hedhur në garë, Diana Miles, arkitektes pogradecare, të cilën në fakt e dogji logoja që përfaqësonte më së shumti, Lsi-ja. Pasi Diana vërtet kishte dhe ka ende një impakt mjaft pozitiv nga qytet nisur edhe nga familja që ajo rrjedh.
Me një diferencë jo të madhe votash, Kapri mori drejtimin e bashkisë së Pogradecit, por më shumë se sa një fitore ajo do të ishte një dhimbje koke. Bashkia që ai mori në drejtim kishte mbi 5 mld borxhe të pashlyera nga drejtuesit para tij dhe si e tillë kjo do të ishte halli më i madh i tij, pas borxheve ai mori edhe një bllokadë qeveritare pasi sa herë i jepej rasti, kërkonte shlyerjen e borxheve nga qeveria dhe në shumë raste Rama e quajti, Kryetar që vetëm di të ankohet.
Por pavarësisht kësaj Kapri arriti të bënte disa ndryshime infrastrukturore në Pogradec, ai investoi në;
●Lagjen Goricë
●Përroin e Çaprazit
●Bllok pallatesh tek rruga rinia
●Zona e Agjensisë së qytetit
●Blloku pallateve tek stadiumi
●Siguroi finamcimin me Ministrinë për 3 shkolla, gjimnazet e qytetit “Muharrem Çollaku” dhe “Gjergj Pekmezi” dhe shkollën “Kozma Basho”
këto ishin disa që mund të cilësohen si projekte madhore në kohën e Kaprit.
Por ajo çfarë e “përvëloi” ish kryebashkiakun ishte pikërisht mospjesëmarrja në zgjedhje e Lulzim Bashës në 2019-ën e cila u shoqërua edhe me një çështje në Spak për Kaprin pasi u akuzua për mbyllje shkollash ditën e zgjedhjeve.
Sot kur Pogradeci ka ecur para me investimet e ndryshimet, Kapri pothuajse është mëjanuar nga politika, kjo pasi mes tij dhe Pd pati krisje të fortë, pasi kjo e fundit mbeti e pakënaqur që Kapri nuk i punësoi të gjithë demokratët në bashki. Asokohe ai zgjodhi të ishte socialist duke mos i rënë me sopatë gjithë administratës, por kjo e mërziti Pd dhe u krijua përplasja e cila u shoqërua edhe me mos votim të tij nëpës strukturat e PD.
Tashmë nuk dihet ku do e shohim Kaprin, nëse do vazhdojë në radhët e PD ku shumica nuk e duan, apo do i kthehet të majtës me një kryetar tjetër sot, Tom Doshi. Kjo mbetet për tu parë, por një gjë është e sigurtë që Edi Kapri është mjë potencial i shtuar i politikës lokale, por ajo çfarë flitet nëse pyet për të është që të mos bëhet palë me Berishën edhe pse marrdhëniet më të mira ai i ka pasur me Metën.
