Thuajse asnjëherë gjatë këtij edicioni trajneri Edlir Tetova nuk e ka pasur të gatshme të gjithë skuadrën, ku herë për dëmtime dhe herë për kartonë është detyruar të vuajë mungesën e disa lojtarëve. Mirëpo, mungesat e sotme janë vërtet me peshë.
Nëse për Malotën janë mësuar të mos e kenë të gatshëm shumë herë, ndryshon puna për Ndrecën dhe Aleksin. Deri më tani kanë qenë dy lojtarët më të pazëvendësueshëm tek Egnatia. Për të dy këta lojtarë nuk ka një zëvendësues tipik, ku mungon një mbrojtës i majtë, gjithashtu edhe mesfushori që bën digën para mbrojtjes.
Ndaj Skënderbeut mbetet për t’u parë se cilat do të jenë lëvizjet e Tetovës, sidomos në të majtë ku nuk ka alternativa. Megjithatë, sido që të jetë situata me mungesat, në fund fare rrogozhinasit do të përpiqen të marrin vetëm maksimumin.
