Elvis Hajdërlli mbledh banorët e lagjes “Çezma e Madhe” dhe diskuton me ta.
Lagjja e Çezmës së Madhe, është lagjja model e qytetit e sidomos për mbështetjen që i ka dhënë Partisë Demokratike ndër vite.
“Jam i bindur se ndryshimi dhe fitorja jonë do të fillojnë këtu, mes këtyre njerëzve të mrekullueshëm që mbartin shumë vlera,”- thotë Elvisi gjatë bisedimit me banorët.
Ai thotë se situata paraqitet e njëjtë, pa investime, përveç se vazhdimit të projekteve të bashkisë së mëparshme.
Gjatë takimit u evidentuan problematika të lagjes si, sistemimi i ujërave rrjedhëse, ndriçimi publik dhe mungesa e hapësirave për argëtim.
“Në fokus të programit tonë për “Çezmën e madhe” do të jenë:
- Sistemimi dhe shtrimi i të gjitha rrugëve;
- Ndërtimi dhe mirëmbajtja e kanaleve për menaxhimin e ujërave rrjedhëse;
- Ndërtimi i një këndi lojrash;
- Ndërtimi i trotuarit nga Çezma e Madhe tek rezervuari;
- Sistemimi i ndriçimit;
- Asistencë konkrete për qytetarët në marrjen e shërbimeve të ndryshme nga portali e-Albania,”- është shprehur kandidati demokrat.
