Erindi Maneshi dhe Enea Demiri do të jenë drejtuesit e pankinës së Devollit për sezonin 2025-2026. Dyshja do të punojë në bashkëpunim të ngushtë me Altin Ahmetllin, trajnerin e portierëve dhe një figurë e njohur për tifozët, falë kontributit të tij si ish-lojtar dhe anëtar i përhershëm i stafit teknik.
Në ekip po fryn një erë e re, me një filozofi të ndërtuar mbi energjinë dhe ambicien e lojtarëve të rinj. Drejtuesit e rinj synojnë të largohen nga modelet e vjetra, ku ndryshonin emrat e trajnerëve, por loja mbetej gjithmonë e njëjtë.
Objektivi është i qartë: rikthimi i Devollit në Kategorinë e Parë. Një sfidë që stafi i ri teknik e sheh si të arritshme, me punë, besim dhe mbështetje të plotë nga skuadra dhe komuniteti.
