Shqiptarët e Kosovës mbeten më besnikët e qytetit liqenor. Pothuajse çdo fundjavl janë dhjetra autobusë të angjesive turistike të Kosovës të cilat si desninacion kryesor kanë Pogradecin.
Nëse bën një vëzhgim të thjeshtë në hotelet më të mëdha të qytetit do shohësh qartë se targa që mbizotëron është ajo e Kosovës.
Të rinj dhe mosha më të mëdha janë mjaft të apasionuar pas këtij qyteti, natyrës, qetësisë por edhe bukurive që ai ofron.
Ata vizitojnë disa zona që janë përgjatë vijës liqenore si Lini, Bazilikën, Drilonin, Tushemishtin apo edhe lagjet historike të qytetit.
Njëkohësisht një nga të preferuara e tyre mbetet tava e koranit dhe gatimet e tjera tradicionale.
Pogradeci ende nuk e ka çelur sezonin turistik por kushtet e motit kanë qenë favorizuese dhe fundjavat janë të tejmbushura me kosovarë por edhe vendas nga Tirana dhe Elbasani kryesisht.
