Pas fitores në shtëpi pak ditë më parë me Partizanin, Skënderbeu ditën e nesërme luan në transfertë me Laçin, ndeshje kjo që e për trajnerin Ivan Gvozdenoviç nuk është aspak e lehtë.
Në përballjen e së premtes Skënderbeu nuk ka të gatshëm për lojë Frenklin, Uce, Pecanji dhe Janaqi doli në fundlojë me karton të kuq.
Kampionati edhe për kryepankinen korçare është në një fazë delikate përsa i përket renditjes. Për sa kohë kampionati nuk ka përfunduar pranon Gvozdenoviç, presioni i pikëve është i madh.
Një ndeshje si kjo me Laçin në transfertë i ka brenda saj të treja rezultatet, ndaj e për këtë Ivan Gvozdenoviç ka lene për të kuptuar se është i kënaqur edhe me një pikë.
Ndeshja Laçi – Skënderbeu luhet ditën e shtunë dhe është përballje e 4 për këtë sezon. Deri tani kurbinasit kanë fituar 3 herë ndaj korçarëve.
