Në Korçë u përuruan ambientet e reja të Qendrës së Shërbimit Mbështetës për Fëmijët dhe Familjen, një hap i rëndësishëm për mbështetjen e nënave dhe fëmijëve që përballen me situata të vështira.
Qendra e re do të shërbejë si një strehë e sigurt dhe e ngrohtë, duke ofruar kushte dinjitoze, kujdes, mbrojtje dhe mundësi për një të ardhme më të mirë.
Për realizimin e këtij investimi të rëndësishëm u angazhuan donatorë dhe partnerë të ndryshëm, të cilëve u shprehen falënderime të veçanta për kontributin e dhënë në dobi të komunitetit.
Ky projekt pritet të ketë një ndikim të ndjeshëm në përmirësimin e jetës së shumë familjeve në nevojë.
