Isi Manellari është sportisti pogradecar i cili po shkëlqen në superiore me ekipin e Lacit.
Nuk ka sportdashës që të mos e njohë Isin dhe të mos e ndjekë atë kur luan, duke u ndjerë krenarë për karrierën e tij dhe sidomos kur shënon gola.
Por kush është Isi Manellari?
25 vjecari ka lindur në Pogradec,është rritur në lagjen më të vjetër të qytetit, Goricë. Që i vogël ka pasur një talent të spikatur në futboll, nëse ju kujtohen ndeshjet që bëheshin mes lagjesh kur ishim të vegjël, Isi gjithmonë do të fitonte me mëhallën e tij. U angazhua që në moshën 7 vjecare me grupmoshat e Pogradecit, falë talentit të tij ka qenë pjese e Pogradeci U19 dhe më pas Dinamo U19.
Në 2017-ën u aktivizua me FK Partizani B e prej aty më pas kaloi tek Klubi Futbollit Iliria, në 2020 rikthehet ne Pogradec pasi u thirr nga trajneri Adrian Abazi për të luajtur për ekipin liqenor, pas një sezoni shumë të mirë me ekipin e Pogradecit, Manellari në 31 Gusht 2021 transferohet në ekipin e Tomorrit në Berat e prej aty, falë lojës dhe teknikave shumë të mira në 2022 kërkohet nga ekipi i Lacit në Superiore, ku luan edhe sot.
Isi është djali i dy prindërve të mrekullueshëm dhe i dy vëllezërve të cilët në asnjë moment nuk e kanë lënë vetëm, në humbje dhe fitore ata kanë qenë mbështetja e tij më e madhe në karrierën sportive.
Por si e shikon ai aktivizimin në veri të vendit?
Isi: Për mua nuk përbën problem ku luaj, në jug apo në veri, për mua është shumë e rëndësishme loja dhe fitorja, jam përshtatur më së miri me ekipin dhe kolegët dhe kam një fokus të qartë, të fitojmë. Mendoj se Lacin do ta cojmë shumë larg, jemi një ekip shumë i mirë dhe sigurisht që synojmë të fitojmë kampionatin.
Së fundi Laçi-Tirana ka përfunduar me fitoren e Lacit, ju shënuat një super gol?
Nje jemi një skuadër e unifikuar dimë të reagojmë si dhe kur duhet, sigurisht jam krenar për cfarë bëra në atë lojë, shënova një gol të rëndësishëm i cili sigurisht që i dedikohet familjes time të cilët asnjëherë nuk kanë dyshuar tek aftësitë e mia.
Ku e sheh të ardhmen Isi?
Për momentin nuk kam plane, unë në ekipet që aktivizohem përqendrohem totalisht atje, pra nuk bëj dicka tani dhe të mendoj për të nesërmen, por investohem 100% të arrij objektivat dhe të jap më të mirën nga vetja. E ardhmja nuk mund të parashikohet, sigurisht që po vlerësove maksimalisht të tashmen dhe atë cfarë Zoti të ka dhënë sot, me Zotin para mendoj që do jem shumë herë edhe më mirë të vijim, për të nderuar familjen time, veten por mbi të gjitha ekipin.
