Nuk kam kuptuar asnjëherë reagimin e korçarëve kur bie borë dhe “sulmet” e intelektualeve ndaj Top Channel për shkak të një formati si Big Brother!
Të parës nuk po i hyj fare por do doja mendimet tuaja sa i përket të dytës.
TCH, televizoni të cilin e kam dashuruar nga dita 1 e deri sot për 1001 arsye, përfshi këtu:
- Ëndrrën e vizionarit Dritan Hoxha për të bashkuar trojet shqiptare.
- Transformimin rrënjësor të medias shqiptare nga ajo tradicionale dhe demode në një media avangard referuar këtu, kërkesave të kohës për cilësi në prodhim dhe transmetim.
- Numrit të lartë të punonjësve të rinj në moshë, duke i besuar energjisë dhe talentit të tyre dhe shtrirjes gjeografike në të gjitha trojet shqiptare (korespodentëve) e ralle për ato vite, pa harruar faktin që ishte vetëm nje Tv privat lokal.
- Numrit të kanaleve HD asokohe kur vetë Mediaset kishte më pak të tillë dhe më shumë se 70% e shqiptarëve nuk kishin akoma një televizor që shfaqte sinjalin HD.
- Shkollës së vërtetë që kanë bërë te ai televizion të rinj të panjohur dikur , të cilët sot falë TCH janë kthyer në ikona të televizionit dhe patën mundësine e katapultimit të tyre në media të ndryshme, e si rrjedhojë shijojnë frytet e shkollës , punës dhe suksesit të arritur në TCH.
Nuk po vazhdoj më gjatë sepse ka pafund.
Unë personalisht mendoj se hyj në njerzit e azhornuar sa i përket preferencave që kanë të rinjtë sot, ndryshe nga ata që ishim ne dikur. Kjo për shkak të punës qe kam zgjedhur të bëj.
Në rininë time edhe une pasi mësova plot dëshirë repertorin e valleve popullore të vendit tim , i perfeksionova dhe i interpretova si solist i ansamblit “Skenderbeu” për vite më radhe dhe i transmetova ndër breza, më pas zgjodha
të vazhdoj rrugëtimin tim i pavaruar nga nostalgjitë e mia dhe duke sfiduar veten në kërkesat e të rinjve dhe botekuptimin e tyre në këtë mijëvjeçar të ri.
Është shumë e thjeshtë të pensionohesh duke kërcyer vallen Devolliçe, ma besoni sepse njoh plot njerëz të tillë që kanë bërë këtë zgjedhje por une jam ndarë me kohë prej tyre duke menduar se gjithçka në këtë jetë është cikël. (Çështje zgjedhje kjo, unë e kam bërë timen)
E nëse ti nuk punon dhe pergatitesh për një cikël të ri përballesh me dy rrugë:
- Kap qoshen me nder.
- Sulmon dhe pengon pandershmërisht!
Fenomeni Big Brother ai që boshatis rrugët e kryeqytetit ( mendoni pak çfarë ndodh në rrethe) është padiskutim një sukses i frikshëm i TCH sa i përket shikueshmërisë.
Qellim kryesor ky i një media kombëtare, në garë me disa të tilla në këtë vend. E derisa numrat flasin frikshëm TCH është në të drejtën e tij të investojë në nje format të tillë. Formati Big Brother është një zgjedhje e lire për tu ndjekur ose JO, për vlerat apo anti-vlerat që përcjell, Vip-at realë apo fake që marrin pjesë nga të cilët kemi çfarë të mësojmë apo çfarë mësime të nxjerrim për këtë epokë ku po jetojmë!
Të gjithë janë të lirë të bëjnë komentet e tyre për personazhet që janë në këtë format sepse ata vetë kanë zgjedhur të jenë pjesë e një eksperimeti social.
Është zgjedhje personale nqs do të dëgjjosh Time të Hans Zimmer apo Sarile-në.
Ndërsa TOP CHANNEL është institucion i padiskutueshëm dhe për të qënë i sinqertë “sulmet” ndaj tij dhembin.
