Skënderbeu ka vendosur të besojë në një dyshe trajnerësh për drejtimin e ekipit të volejbollit për femra në sezonin e ri.
Mësohet se Julian Shishi është emëruar si trajner i dytë dhe do të punojë krah Olsi Haxhillarit për të udhëhequr skuadrën në një fazë të re ndërtimi dhe me ambicie të larta kete sezon.
Paraditen e sotme dy trajnerët janë takuar me një nga zyrtarët e Bashkisë së Korçës, në një takim që ka shërbyer për të konfirmuar edhe zyrtarisht strukturën e re teknike të ekipit.
Bashkëpunimi mes Haxhillarit dhe Shishit shihet si një hap i menduar mirë nga drejtuesit e klubit, në një moment ku Skënderbeu po përjeton ndryshime të thella në përbërje, pas largimit të disa lojtareve titullare. Dyshja pritet të ndërtojë një ekip të ri konkurrues, të bazuar si te përvoja ashtu edhe te energjia e talenteve të reja.
Pas takimit trajnerët pritet të nisë punën intensive në ditët në vijim, me synimin për të kthyer Skënderbeun në një nga skuadrat pretendente të këtij sezoni në volejbollin shqiptar për femra.
