Specialistët për Hetimin e Krimeve në Komisariatin e Policisë Pogradec kanë referuar materialet në Prokurori, ku është nisur procedimi penal ndaj pesë shtetasve të përfshirë në një konflikt fizik.
Sipas informacioneve zyrtare, janë proceduar penalisht shtetaset B. B., 42 vjeçe, S. F., 22 vjeçe, J. L., 20 vjeçe dhe E. P., 28 vjeçe, si dhe shtetasi V. N., 42 vjeç. Dyshohet se për motive të dobëta, katër gratë janë përfshirë në një konflikt fizik me njëra-tjetrën, duke dëmtuar edhe sende personale gjatë përplasjes.
Ndërkohë, 42-vjeçari dyshohet se ka ndërhyrë për të ndalur konfliktin, por gjatë përpjekjes për të qetësuar situatën ka shtyrë fizikisht një nga gratë e përfshira, e cila ka pësuar dëmtime të lehta.
Grupi hetimor po vijon punën për dokumentimin e plotë të ngjarjes.
