Një 54 vjeçar është vënë në ndjekje penale nga policia pasi teksa drejtonte mjetin ka përplasur një mjet tjetër dhe ka ikur nga vendngjarja, por jovetëm kaq edhe pasi është kapur nga policia ai nuk i është bindur urdhrave të tyre.
Njoftimi i policisë:
DVP Korçë/Procedohet në gjendje të lirë 1 shtetas, për veprën penale të shkaktimit të aksidentit dhe largimit nga vendngjarja.
-Specialistët e Trafikut Urban dhe Interurban të DVP Korçë referuan materialet në Prokurori ku filloi procedimi penal në gjendje të lirë për shtetasin A. M., 54 vjeç, banues në Korçë, pasi në rrugën “28 Nëntori” Korçë, duke drejtuar automjetin tip “Benz”, ka përplasur një automjet tjetër duke i shkaktuar dëme materiale dhe është larguar nga vendi i aksidentit. Shërbimet e Policisë më pas kanë bërë identifikimin dhe kapjen e 54-vjeçarit, i cili nuk i është bindur urdhrit të punonjësve të policisë për kryerjen e testit të alkoolit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
