Një tjetër rast dhune në familje është regjistruar në zonën e Maliqit, ku një 36-vjeçar nga fshati Sovjan është vënë nën hetim nga policia, pasi dyshohet se ka ushtruar dhunë fizike ndaj bashkëshortes së tij.
Burime zyrtare bëjnë me dije se Specialistët për Hetimin e Krimeve në Komisariatin e Policisë Maliq kanë referuar materialet në Prokurori, ndërsa ndaj shtetasit E. D. ka nisur procedimi penal.
Ngjarja ka ndodhur brenda ambienteve të banesës familjare, ndërkohë që gruaja e dhunuar ka kërkuar ndihmën e autoriteteve për t’u mbrojtur. Ajo është pajisur menjëherë me urdhër mbrojtjeje nga gjykata, ndërsa policia ka nisur hetimet për të dokumentuar plotësisht rrethanat e ngjarjes.
Hetimet për këtë rast vijojnë, ndërsa Prokuroria pritet të vlerësojë më tej masën e sigurisë ndaj 36-vjeçarit.
