E çuditshme por e vërtetë!
Një 36 vjeçare, nga fshati Plasë i qytetit të Maliqit, duke qenë në gjendje të dehur dhe të pavetëdijshme ka vjedhur një automjet.
Por nuk mbaron me kaq.
Ajo e drejton mjetin e vjedhur në gjendje të dehur dhe përfundon duke u përplasur me dy automjete të tjera.
Fatmirësisht ka vetëm dëme materiale.
Njoftimi i policisë;
Qarku Korçë/Vihen në pranga 1 shtetase për vepra penale të ndryshme
Specialistët për Hetimin e Krimeve të Komisariatit të Policisë Korçë arrestuan në flagrancë shtetasen A. L., 36 vjeçe, banuese në fshatin Plasë, Maliq, pasi dyshohet se ka vjedhur një automjet, me të cilin duke qenë në gjendje të dehur dhe pa leje drejtimi, ka përplasur 2 automjete të tjera dhe ka shkaktuar vetëm dëme materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
