Fabiana Antonella Pesce Silva Edhe per një sezon tjetër do të jetë lojtare e Skënderbeut në volejboll për femra.
Lajmin është bërë me dije nga trajneri i skuadrës korçare Orlando Koja kur tha se lojtarja ka firmosur kontratën edhe për një tjetër kampionat me ekipin kampion
Nga ana tjetër Koja tha se volejbollistja tjetër venezuelesja Vivas nuk do të jetë pjesë e korçarëve por jashtë vendit tonë.
Gjithashtu Koja tha së shpejti do të ketë një përgjigje nga dy volejbolliste të tjera nga Kuba dhe Brazili.
Amerikania Morgan Bossler që sezonin e kaluar ka luajtur me Pogradecin është vetofruar tek Skënderbeu për këtë sezon, lojtare e cila është mirëpritur nga trajneri Koja.
Nga ekipi korçar është larguar kosovarja Zyla Kadriu por Koja ende nuk ka kthyer përgjigje për kosovaren tjetër Edona Kallundra, volejbolliste të cilën e kërkon edhe Pogradeci.
Pjesë e Skënderbeut këtë sezon do të jetë edhe 15 vjeçarja Irsa Metanj, volejbolliste për të cilën trajneri i Skënderbeut ka konsideratë të lartë për lojën e saj.
Ekipi i Skënderbeut edhe këtë sezon do të jetë skuadër për të gjitha trofetë, ka mbyllur Orlando Koja.
