Në mbledhjen e fundit të Këshillit Bashkiak Pogradec është miratuar buxheti i vitit 2025, i cili synon rritjen e cilësisë së shërbimeve për banorët në qytet dhe fshatra, si dhe realizimin e investimeve të rëndësishme në infrastrukturë rrugore, arsimore dhe fusha të tjera prioritare.
Për vitin 2025, paketa fiskale nuk do të pësojë ndryshime, duke mos sjellë rritje tarifash. Gjithashtu, do të vijojnë lehtësirat për shtresat në nevojë, si familjet e varfra, gratë kryefamiljare, pensionistët e vetmuar dhe bizneset e reja, duke synuar lehtësimin e barrës financiare për këto kategori.
Ky buxhet është hartuar pas një procesi të gjerë konsultimi me banorët e të gjitha njësive administrative, duke marrë parasysh prioritetet dhe nevojat e tyre. Për realizimin e projekteve madhore, bashkia ka garantuar mbështetjen e qeverisë shqiptare.
Bashkia Pogradec falenderon qytetarët për kontributin e tyre në këtë proces dhe uron që viti i ri të sjellë më shumë suksese dhe zhvillim për komunitetin.
