Ai është mbase këngëtari më i mirë momental në zhanrin e rock, aq sa ka prezantuar dhe kombin shqiptar në Eurovision.
Eugent Bushpepa mund të krahasohet lehtësisht me Gent Demaliajn e kohëve të fillimit të demokracisë, për timbrin e zërit, për këngët e forta të huaja të kënduara me aq profesionalizëm por e për dashurinë për eksperimentet me zërin e tij.
Sot më i miri i rock në Shqipëri do të ngjitet në skenën e Festës së Birrës në Korçë, ndërkohë që para tij një tjetër grup i famshëm mbi rockun, Grupi NA do të kënaqe spektatorët dhe pjesëmarrësit në këtë festë.
Last Call Band do të hapë naten e dytë, për të dhënë emocione turistëve të huaj me muzikën angleze dhe amerikane aq fort të dashur nga brezat e ndryshëm korçare.
