Një gjë e tillë është pranuar edhe nga trajneri Ivan Gvozdenoviç kur tha se pas një pike ne 4 ndeshje, ndeshja e kësaj së diele duhet fituar.
Kryepankina korçare ka bërë me dije se nuk do të ketë të gatshëm vetëm një nga lojtarët titullarë ndërkohë që është shprehur se nuk përjashtohet mundësia të ketë lëvizje të vogla në grupin e futbollistëve që e nisin lojën nga minuta e parë.
Trajneri edhe njëherë tjetër është ndaluar tek loja e lojtarëve të mbrojtjes dhe ata të sulmit, nisur nga ndeshja e fundit si dhe dy golat e pësuar më Dinamon por ka mbetur i kënaqur me lojën e mesfushorëve.
Kampionati sipas Gvozdenoviç nga java në javë bëhet me i fortë ndaj e për këtë kërkon nga lojtarët e tij me shume përqendrim në çdo ndeshje.
Në katër javët e fundit Skënderbeu ka vetëm një pikë ndërkohë që ka humbur 3 ndeshje, duke e rënduar situatën jo pak tek skuadra korçare përsa i përket renditjes
