Bashkia e Korçës ka vendosur të kthejë disa prej godinave të Pazarit të Vjetër në Rezidenca Artistike për artistë bashkohore e industri kreative përmes krijimit të një platforme për krijimtari, bashkëpunim dhe ekspozim. Rezidenca te tilla vijne per here te pare jo vetem ne ne vendin tone, por ne te gjithe rajonin.
Sipas kryetarit të bashkisë Korçë Sotiraq Filo këto rezidenca kanë si qëllim të promovojne dhe mbështesin artistët të cilëve do u ofrohet hapësira të dedikuara për akomodim, krijimtari dhe zhvillim profesional.
Rezidenca Artistike është pritur mjaft mirë edhe nga piktorët korçare, njëri prej të cilëve është dhe Genti Proko I cili tha se një gjë e tillë haset vetëm në vendet e njohura europiane e ne Shqipëri ndodh për herë të parë.
Realizimi i këtij projekti do të bëhet i mundur nëpërmjet fondeve kryesisht të Bashkimit Europian si dhe të këshillit të qarkut Korçë.
Artistët që do të bëhen pjesë e rezidencave artistike do të qëndrojnë për dy deri në 6 muaj si banorë të kësaj rezidence e ndodhur brenda Pazarit të Vjeter të Korçës.
