Një ndër masat që merret në këtë periudhë në pemtore është kryerja e krasitjes, proces i cili tashmë ka nisur nga fermerët që kultivojnë drufrutorë. Specialistët e pemtarisë këshillojnë që procesi të kryhet kur të kemi një rritje të temperaturave dhe jo kur ka prani ngricash pasi kjo dëmton bimën.
Procesi i krasitjes sipas specialistëve duhet të përfundojë rreth fundit të muajit shkurt dhe më pas të fillojnë trajtimet dimërore kundër sëmundjeve dhe dëmtuesve.
Nevjon Telha, Specialist i sektorit të pemëtarisë, QTTB, shton se në pemtoret e vjetra, krasitja duhet të kryhet në mënyrë të tillë që të shtyhet afati i prodhimit të tyre, ndaj këshillon fermerët të kryejnë një krasitje rigjeneruese.
