Anija ishte nisur nga Bari i Italisë në drejtim të Kroacisë, por më datë 10 shtator Policia Kufitare ka konstatuar mjetin lundrzes në Karpen të Golemit.
Veliera u gjet në një distancë prej 30 metra larg bregut.
Një ditë më pas u bë këqyrja e ambienteve të brendshme të anijes, ku u gjetën një pasaportë gjermane, një armë tip pistoletë, një krëhër pistolete, 41 fishekë, 1 laptop, 2 telefona celularë dhe dokumentet e mjetit lundrues.
Gjithashtu brenda anijes u gjet edhe një mace e braktisur.
Pas verifikimeve të kryera pasaporta gjermane i përket shtetasit me inicialet F. R., 85 vjeç dhe ka dyshime se mund të ketë rënë në det për shkak të dallgëve nga moti i keq.
Tashmë po bëhen verifikimet e të gjitha të dhënave të pasaportës dhe përcaktimin e vendndodhjes së 85 vjeçarit.
I mbytur, i vrarë apo inskenim vrasjeje, ky është misteri që autoritetet shqiptare në bashkëpunim me ato italiane pritet të hedhin dritë.
