Përfundon edicioni i dytë i kursit të UEFA-s për trajnerë në Korçë, 33 pjesëmarrës marrin licencën Përfundon edicioni i dytë i kursit të UEFA-s për trajnerë në Korçë, 33 pjesëmarrës marrin licencën.
Kursi për trajnerë të licencave UEFA C, i organizuar nga Federata Shqiptare e Futbollit në zonën e Korçës, ka mbyllur me sukses edicionin e dytë me diplomimin e 33 pjesëmarrësve që ishin pjesë e këtij kursi.
Në ceremoninë e organizuar me grupin e trajnerëve më të rinj korçarë, anëtari i Komitetit Ekzekutiv të FSHF-së, Ylli Çekiçi, sekretari i Shoqatës Rajonale të Korçës, z.Renato Rapi, dhe përfaqësuesi i FSHF-së, z. Alban Tafaj. Anëtari i KE-së së FSHF-së, Ylli Çekiçi, u uroi shumë suksese të gjithë të licencuarve dhe i ftoi ata të ndjekin ëndrrat e tyre dhe të kontribuojnë në zhvillimin e futbollit në vendin tonë.
Kursi për trajnerët e licencës UEFA C zgjati rreth 3 muaj, pasi të gjitha leksionet u zhvilluan në qytetin e Korçës nën kujdesin e Federatës Rajonale të Futbollit Korçë, pasi sipas direktivave të UEFA-s, “licenca” duhet t’i shkojë trajnerit, të ketë një shpërndarje të këtij kursi në të gjithë vendin dhe të përmirësojë e rrisë cilësinë e trajnerëve.
Trajnerët e rinj mund të ushtrojnë profesionin e trajnerit në futbollin amator dhe mund të punojnë si zëvendëstrajnerë me ekipet e moshave pjesëmarrëse në kampionate të të gjitha niveleve të organizuara nga FSHF në vend. Ky kurs është një hap i rëndësishëm në formimin dhe kualifikimin e trajnerëve të rinj, të cilët do të kontribuojnë në zhvillimin e futbollit në nivel lokal dhe kombëtar.
