Persefoni Treni, ish-nxënëse dhe mësuese në Shkollën e Vashave lindi në Korçë, në vitin 1889.
Persefoni u regjistrua në Shkollën e Vashave në vitin 1897 dhe mbaroi studimet në vitin 1906. Po atë vit emërohet mësuese në shkollën femërore në Korçë.
Ajo ishte anëtare e shoqërisë “Ylli i mëngjesit”, një shoqëri që kishte për qëllim emancipimin e femrës shqiptare. Edhe pas mbylljes së Shkollës së Vashave në vitin 1914, Persefoni vazhdoi të mblidhte bashkë nxënës dhe të jepte mësim nga njëra shtëpi tek tjetra.
Për kontributin e saj të palodhur dhe fisnik është dekoruar me titullin “Mësuese e Merituar”, në vitin 1980.
