Një aksident u shënua pasditen e sotme në qytetin e Pogradecit, pranë zonës së njohur si “Agjensia” në lagjen numër 1. Një mjet i cili ka qenë duke ecur mbrapsht ka goditur një drejtues biçiklete i identifikuar si shtetasi N.Gj.
Si pasojë e goditjes drejtuesi i biçikletës ka pësuar tronditje dhe lëndime të lehta, ai u transportua në sptialin e Pogradecit ku po merr ndihmën mjekësore jashtë rrezikut për jetën.
Në vendngjarje ka mbërritur grupi hetimor të cilët po kryejnë hetimet për zbardhjen e rrethanave të këtij aksidenti ndërsa me drejtuesin e mjetit po kryhet marrja në pyetje.
