Në qytezën e Pojanit vijon puna për rehabilitimin e qendrës së Njësisë Administrative, një tjetër investim i rëndësishëm që po realizohet nga Bashkia Maliq.
Pas rikonstruksionit të ish-Kinemasë dhe kthimit të saj në Shkollë të Mesme, ky është projekti i radhës që synon përmirësimin e hapësirave publike dhe ofrimin e kushteve më cilësore për banorët.
Aktualisht punimet janë në zhvillim dhe pritet që qendra e re të transformojë ndjeshëm pamjen e Pojanit. Kujtojmë që në krye të kësaj Njësie Administrative prej një muaji ka ardhur i riu Kejdi Hasani, i cili po punon me përkushtim me projekte të reja për të gjithë zonën.
