Operacioni “Tempulli” nga i cili u arrestuan 233 persona bashkë me “Ujkun e Cerrikut”, i cili për ironi të fatit është edhe pa dhëmbë.
Ky aksion është copy paste i nja tre a më shumë aksioneve të kryera nga Policia e Korçës, ku përdorues të cilët shkëmbejnë “MALL” njëri me tjetrin na shiten si tregëtar të mëdhenj të lëndëve narkotike, apo Grosista, dhe mediat më pas i trumbetojnë sikur janë Trafikantë, dhe po ti shofësh familjet e tyre në ditë të hallit, në kushte të vështira ekonomike, me prindër të cilët janë të sëmurë ca nga jeta dhe ca nga hallet që i kanë zënë me të pjellët e tyre, janë në kushtet e mbijetesës.
Policia e shiti aksionin si arritje të madhe e cila për mendimin tim nëse policia ka këllqe duhet të shkojë tek burimi, tek pronarët e vërtetë, tek ata të cilët për të fituar lekë po helmojnë fëmijët me lloj e soj pisllëqesh dhe përzierjesh që në shkollën nëntëvjecare.
Por kjo shfaqje e shëmtuar e policisë, me njerëz hallexhinj që shiten për tregëtarë të fuqishëm, dhe nga kontrolli personal nuk iu gjenet asnjë qindarkë në xhepa, i leverdis edhe prokurorisë e cila legjitimon disa veprime stimuluese të cilat bien në kundërshtim me parashikimet proceduriale, ku është selektive dhe nuk përdor të njëjtin standart edhe me ata të cilët bëhen “Pendito” dhe shesin shokët e tyre, dhe më pas edhe nga ana e Gjykatës e cila për fajin e saj të keq është vendosur në shënjestër të Politikës, të Qytetarëve dhe të Hallexhinjëve, legjitmion me vendimet e saj veprimet e kryera nga ana e policisë gjoja nën udhëheqjen e Prokurorisë.
Në një shtet normal me një drejtësi funksionale, në shtetin e së drejtës nëse kemi këto lloj hetimesh kaq të zgjatura në afate , do të kishim të arrestuar edhe Bossat e vërtetë të kësaj tregëtie, por ata nuk preken , përderisa ata nuk preken të bën të mendosh se janë ortakë me ata të cilët arrestojën këta hallexhinj, dhe kjo ndodh gjithmonë kur ne kemi ndërrime të krerëve, një analizë e kësaj logjike të bën të mendosh se kemi të bëjmë me kontrollin e territorit dhe nxjerrje nga tregu të atyre që bëjnë pa fshirë atyre të cilët nuk bëjnë pjesë në librin e taksave që mblidhen në fund të muajt.
Për ata të cilët nuk e dinë se ku ndryshon një TRAFIKANT me një SHITËS, po i them dy fjalë që të mësojnë dy gjëra , ose ato të cilat nuk i dinë është më mirë të pyesin.
TRAFIKANTI sipas ligjvënësit tonë është: “Importimi, eksportimi, tranzitimi dhe tregtimi, në kundërshtim me ligjin, i substancave narkotike ose psikotrope, si edhe i farërave të bimëve narkotike, dënohet me burgim nga shtatë gjer në pesëmbëdhjetë vjet.”
“SHITËSI” sipas ligjëvënsit tonë është: ” Shitja, ofrimi për shitje, dhënia ose marrja në çdo formë, shpërndarja, tregtimi, transportimi, dërgimi, dorëzimi, si dhe mbajtja, përveç rastit të përdorimit vetjak dhe në doza të vogla, të substancave narkotike dhe psikotrope, si edhe i farërave të bimëve narkotike, në kundërshtim me ligjin ose në kapërcim të përmbajtjes së tyre, dënohet me burgim nga pesë gjer në dhjetë vjet.”
Pra janë dy raste të cilat nuk kanë asnjë lidhje me njëra tjetrën dhe mos u sillni me këtë shtresë në këtë mënyrë, ku policia dhe prokuroria i përdor këta njerëz thjesht për STATISTIKA dhe media i përdor për të marë KLIKIME.
Shkruar nga Esmerald Xhafa
