Në kuadër të veprimtarive të Pranverës Frankofone, Fakulteti i Edukimit dhe Filologjisë në Universitetin “Fan S. Noli” në Korçë zhvilloi një orë të hapur me temë “Stereotipi, Paragjykimi dhe Diskriminimi” me profesoren belge Laurence Lievens (Lorons Livens) . Aktiviteti, i zhvilluar në gjuhën frënge, mblodhi së bashku studentë, pedagogë dhe nxënës të seksionit dygjuhësh të gjimnazit “Raqi Qirinxhi”, si dhe studentë nga universitetet e Tiranës, Shkodrës dhe Elbasanit përmes platformës online.
Dr. FABIOLA KADI Drejtore e Aleancës Franceze në Korçë
Takimi u përshëndet edhe nga Ambasadorja e Francës në Shqipëri, Catherine Suard, e cila vlerësoi rëndësinë e këtij diskutimi në një mjedis akademik. Studentët dhe pjesëmarrësit patën mundësinë të ndajnë reflektime mbi mënyrat e tejkalimit të paragjykimeve dhe ndërtimin e një shoqërie më të drejtë e gjithëpërfshirëse.
