Gratë dhe vajzat e fshatit të njohur turistik të Boboshticës vazhdojnë të ruajnë festën e Rosicës, festë e cila ka nisur më shumë 2000 vite më parë, me ringjalljen e Jezu Krishtit.
Prej asaj kohe sipas Vera Gjergo kjo festë kremtohet në fshatrat e Boboshticës, Drenovës dhe Polenës
“Është një festë që bëhet 3 javë pas ringjalljes të Krishtit, quhet Rosicat, nëna Shën Meri nga gëzimi ditën e 20 mblodhi shoqet, gatoi gjëra të ëmbla dhe të nesërmen bëri festë të madhe. Ne këtë e mbajmë brez pas brezi” u shpreh Vera Gjergo.
Pjesë e festës janë edhe gatimet tradicionale, kryesisht gatime të ëmbla.
“Dalim nëpër fshat, derë më derë, këndojmë, ftojmë të na japin mall, miell, sheqer, vezë, gjalpë, vaj, mblidhemi të gjitha dhe gatuajmë. Me pare gatuaj në shtëpi tani u bënë lokalet, vijmë me lokale. Bëjmë bukuvale, edhe petulla. E të tjera sipas qejfit” – u shpreh një tjetër.
Brez pas brezi është ruajtur kjo traditë tek gratë boboshtare.
“Unë jam e re dhe vazhdoj të ndjek traditën e mamave tona. Ma ka lene amant, ta ndjekësh çupë për çdo gjë. Ua transmetoj e të tjerëve. Shumë, po mungojnë, nuk janë. Kanë ikur të gjitha“- tha Donika Banbulli.
Ditën e sotme pjesë e kësaj feste janë bërë jo vetëm gratë e vajzat që jetojnë në këtë fshat por edhe ato të cilat janë larguar në qytete të ndryshme të Shqipërisë si dhe të tjera që jetojnë në emigracion
