Selaudin Jakupllari është një emër jo pak i njohur në Pogradec, mjeku nga Rëmenji për 4 vitet që pasuan ishte në Kuvend si përfaqësues i Pogradecit nga Partia Demokratike.
Vazhdimisht në parlament mjeku Jakupllari ka prekur çështje të mprehta që lidheshin me zonën e tij elektorale që nga infrastruktura deri tek shërbimi mjekësor, herë pas here ai ka kritikuar Ministrinë e Shëndetësisë në lidhje me shërbimin spitalor në Pogradec, gjendjen e maternitetit të qytetit etj. Jakupllari vendoste në fokus nevojë urgjente për investime të reja në korpusin spitalor dhe shtëpinë e lindjes të cilat në të vërtetë sidomos kjo e fundit ka një problem të madh me ambientet për pacientët, sallat e operacionit etj.
Edhe pse nuk arriti dot që vëmendjen e ministrisë ta kthente totalisht tek to, të paktën ai guxonte që këto probleme të mprehta ti ngrinte.
Jakupllari në zgjedhjet e kaluara u votua masivisht nga demokratët e Pogradecit sidomos nga fshati i tij i lindjes Rëmenji.
Këtë herë nisur nga problemet e thella në PD, ai ka vendosur të kandidojë me me koalicionin Djathtas për Zhvillim.
Jakupllari do të kërkojë një mandat dhe votëvesim të dytë nga të djathtët në Pogradec në mënyrë që të vijojë të jetë zëri i tyre në parlamanet, më së shumti i fshatrave, sepse në çdo legjislaturë fshatrat e Pogradecit kanë qenë pothuajse të papërfaqësuar.
Përtej ngjyrave politike, Jakupllari mbetet një mjek i respektuar dhe familjar shembullor, i papërlyer me afera apo tenderime duke ruajtur imazhin e tij. Dhe imazhe të tilla Kuvendi i ka mëse të nevojshme.
