Shembja ka ndodhur vetëm një ditë më parë e sipas të dhënave bëhet fjalë për një nga urat në lotin e dytë të rrugës e cila është në ndërtim e sipër.
Punimet e këtij loti sipas kontratës kanë filluar në Qershorin e vitit 2022 dhe duhet të përfundojnë në Qershor të këtij viti.
Edhe pa përfunduar punimet loti i dytë ka qënë i aksesueshem për drejtuesit e mjeteve që përdorin këtë aks jo vetëm në drejtim të të Ersekës dhe Leskovikut por edhe ata të cilët e kanë përdorur këtë rrugë nacionale për të udhëtuar drejt jugut.
Burime pranë firmës thanë se është ngritur grupi i punës me inxhinierë gjeologë për të mësuar cilat kanë qënë shkaqet që sollën një situatë të tillë. I njëjti burim tha se pasi të jenë mësuar shkaqet do të fillohet menjëherë nga puna për normalizimin e situatës së krijuar.
Probleme përsa i përket reshkitjes së dherave dhe shembjes se barrierave të betonit në anë të rrugës ka dhe në segmente të caktuara të lotit të parë.
I kontaktuar, drejtori i ARRSH Korçë Ardit Mele tha se vetëm pas pak ditësh do të riparohen të gjithë defektet e shkaktuara nga kushtet atmosferike, punë që kryhen pas çdo dimri
