Skënderbeu e mbyll në barazim ndeshjen me kryesuesit e superligës, teksa Franklin barazon në minutën e fundit të takimit.
Pjesa e parë u mbyll me fitoren e miqve 0-1. Vetëm një zbritje mund të themi për miqtë që kanë shfrytëzuar një hutim të mbrojtjes vendase, ka mjaftuar që Egnatia të futet në dhomat e zhveshjes me avantazhin e admiruar.
Themi e admiruar sepse vazhdimisht gjatë gjithë 45 minutave miqtë kanë qarkulluar topin, ndërkohë që Skënderbeu ka pasur 2-3 raste të pastra shënimi, sidomos me Randin dhe Rashicën, por nuk kanë arritur të shënojnë.
Pjesa e dytë nis mirë për Skënderbeun, por edhe me një vendosje tjetër taktike në fushë, pasi largohet një sulmues si Sebastine dhe në fushë është Ramos. Ka qenë Nikaj në momentet e para që mund të shënonte, por nuk mundi ta bënte një gjë të tillë.
Kanë qenë 4 goditje këndi njëra pas tjetrës për Skënderbeun nga minuta e 52’-55’, duke vënë nën presion miqtë, por pa qenë rezultativë.
Më pas në minutën e 67-të loja u ndërpre për shkak të problemeve që një tifoz pati në shkallët e stadiumit. Pas transportimit në spital, më pas loja rifilloi sërish dhe sapo është mbyllur minuta e 75-të.
Gjithsesi loja duhej të ndërpritej deri te ardhja e autoambulancës që transportoi në spital tifozin me probleme. Ishin plot 12 minuta ndërprerje në stadiumin “Skënderbeu”.
Edhe pas rifillimit të lojës, skuadra mike më shumë ka qarkulluar topin, ndërkohë që Skënderbeu është i pafuqishëm për të barazuar rezultatin, pasi shkon shumë herë pranë zonës, por nuk shkon dot te vija e 5-metërshit.
Kur të gjithë e quanin të mbyllur ndeshjen, është Skënderbeu që zgjohet dhe në zonë Franklin me kokë barazon rezultatin në 1-1.
