Fermerët që kultivojnë drufrutorë kanë nisur të kryejnë një sërë shërbimesh në pemetore.
Një ndër proceset më të rëndësishme është krasitja e cila sipas specialistit të pemtarisë Nevjon Telha, mund të kryhet në 3 forma. Krasitja kryhet jo vetëm që të stabilizohet prodhimi por edhe të ruhet vit pas viti, kjo nëpërmjet diferencimit ta sythave frutorë.
Krasitja ka nisur që në muajin dhjetor dhe do të vijojë deri në mars. Një tjetër proces i rëndësishëm që duhet kryer për të pasur një prodhim të mbarë, është edhe plehrimi.
